1334
17 augustus.
Guillelmus, Hannonie, Hollandie, Zelandie comes ac dominus Frisie, notum facimus universis, quod nos ecclesiam parrochialem de Out Haemstel, Trajectensis dyocesis, divisam et separatam ab ecclesiis de Haemstellerdam, de Nova Haemstel eiusdem dyocesis, vacantem ad presens per mortem seu liberam resignationem magistri Johannis de Ratinghen, ultimi rectoris eiusdem, cum fructibus, redditibus et obventionibus suis universis ad ipsam ecclesiam de Out Haemstel pertinentibus et provenientibus, discreto viro Johanni filio Ghiselberti dicti Jacobssone, cleric, pure simpliciter propter Deum et in puram elimosinam contulimus et conferimus per presents.
In cuius rei testimonium litteris presentibus sigillum nostrum duximus apponendum.
Datum Ambianis feria quarta post festum Assumptionis beate Marie virginis anno Domini MCCC trecesimo quarto.
S0008-31